Michel-Ange Hyppolite : pwovèb yo se yon modèl vivasyon
23 janv. 2024
Nan antrevi sa a, ki fèt sou liv pwovèb ki rele : Filozofi Euphémie ak Nicolas : Pawòl granmoun, liv ki soti anba plim Michel-Ange Hyppolite (Kaptenn) epi Keder Hyppolite, nou va jwenn yon omaj otè yo ap rann manman yo (Victoire Euphémie Parisien) epi papa yo (Nicolas Hyppolite). Atik sila a demontre aklè pwovèb yo se yon fòm literè ki pran asiz yo nan oraliti a. Pi plis toujou, otè yo demontre fòm literè sa a genyen plas li nan ansèyman literati anndan peyi a, paske pwovèb yo se sajès natif natal ki kapab sèvi nan fòmasyon elèv yo sou tè Ayiti. Genyen moun ki toujou asosye pwovèb yo avèk filozofi, poutan pwovèb yo se modèl vivasyon tout mounn kapab suiv, paske yo sòti nan eksperyans lavi grandèt nou yo anndan peyi a. Koneksyon pwovèb yo avèk lang kreyòl la demontre tou nesesite pou jèn nou yo nan peyi etranje aprann lang kreyòl la. Se yon fason pou yo kenbe kilti kreyòl nou an anvi jenerasyon apre jenerasyon .