Se nan otèl Montana, jedi 3 oktòb 2024 la, Akademi Kreyòl Ayisyen lanse mwa Selebrasyon lang ak kilti kreyòl (oktòb) ak aktivite pou make 10 zan kreyasyon enstitisyon an. Daprè Samuel Jean Baptiste, sekretè egzekitif Akademi an, diferan aktivite pou make doub selebrasyon sa a ap deplòtonnen sou tèm “Lang kreyòl : zouti rezistans pèp ayisyen”, soti 3 oktòb pou bout 4 desanm pwochen ki se dat enstalasyon premye kòwòt akademisyen kreyòl ayisyen yo. Konferans, atelye literati jenès, rankont ak ekriven, espozisyon ak vantsiyati liv, lekti senik, wonmble, toune fòmasyon, espektak se kèk pami aktivite ki nan ajannda Akademi Kreyòl Ayisyen an pou sezon selebrasyon an, toujou selon Sekretè egzekitif la ki soulinye aktivite mwa kreyòl yo ap dewoule nan Pòtoprens ak nan vil Ench.

Oktòb 1983- oktòb 2024, karanteyen (41) lane depi divès kominote ak peyi kreyolofòn nan lemond ak dyaspora yo ap selebre yon eritaj komen : lang ak kilti kreyòl. Se nan menm lojik selebrasyon sila a, an Ayiti, pandan tout mwa oktòb la, Anivince Jean Baptiste ap rankontre pou jounal Le Nouvelliste yon pèsonalite ki kapab swa lenguis, ekriven, pwofesè, akademisyen, kreyolis, operatè kiltirèl, jounalis, mizisyen, pawolye, komedyen, powèt… pou yon echanj djougan sou lang, kilti ak literati kreyòl. Rankont sila yo ki enskri nan kad mwa selebrasyon lang ak kilti kreyòl vle sèvi, anvan tout bagay, yon baz solid ki kapab itil bon jan refleksyon ak aksyon konkrè nan enterè devlòpman lang, kilti ak literati kreyòl. Nan nimewo sa a, n ap resevwa powèt Manno Ejèn, manm fondatè Sosyete Koukouy Kanada, envite donè Festival Entènasyonal Literati Kreyòl an 2019.

Enseignons l’Eschatologie est une publication du pasteur Joseph Erol Gillet axée, naturellement, sur les évènements caractéristiques des « derniers temps ». Dans ce livre, l’auteur invite à la propagation des « idées eschatologiques » pour une meilleure compréhension de l’avenir de l’homme et du monde. Dans l’ambiance d’une écriture fluide et captivante, la lecture de cet ouvrage nous dit ou rappelle avec éloquence que tout est sous contrôle de la Providence.

Christophe J. Philippe Charles se sètènman yonn nan pèsonalite ki pote yon kontribisyon ki pi divèsifye nan kesyon literati an Ayiti. Antanke fondatè Éditions Choucoune (1978), li patisipe an gran jan nan anrichi patrimwàn dokimantè ak literè ayisyen an, kote li pibliye yon latriye otè, plizyè jenerasyon melanje : Marc Exavier, Pradel Henriquez, Louis Phillipe Dalembert, Anivince Jean Baptiste, Dominique Batraville, Renold Laurent, Clarel Joseph, elatriye. Kòm powèt, ekriven, li pibliye plizyè dizèn liv ak dokiman ki chita nan plizyè kategori. Sou chapo kritik literè, li reyalize plizyè etid ak analiz sou ekriven diferan jenerasyon ki leve banyè kreyasyon literè peyi a wo atravè zèv yo. Men, nan tèks sa a, nou vle limen pwojektè nou sou kontribisyon akademisyen Christophe Charles pote nan travay pwomosyon ak valorizasyon literati kreyòl ayisyen an.