Lè m te piti m t ap grandi nan vil Gonayiv, tande Moris Siksto se te yon plezi pou zorèy ak entèlijans. Chak dimanch pou tout moun louvri radyo yo, pòt yo debatan, chita sou galri yo, anba yon bèl pye fikis, zanmann oubyen pye dat nan aprèmidi, pou y ap tande lodyans Moris Siksto. Nan epòk sa a, te konn gen kouran chak dimanch. Moun ki pa t konnen non lodyansè a te rele li “ Zabèlbòk”. Tout kote w pase se Moris Siksto k ap rakonte yon listwa. Se te yon bèl epòk wi! Lè dimanch fin pase, plezi a pa rete la, chak midi branche radyo Gona