Si mò jalou bay gwo pye mo jalou bay madyòk je m wè danje m renmen w m pa vle di w sa m kase tèt li chak fwa l vle boujonnen sou po m pa gen movezè ki ka detounen jèm lanmou sa m renmen w m renmen w an kachkachliben menm lonbraj mwen pa konn sa ou bati demen m ak dwèt ou ak swè w ak san w ak lanmou tout kwa kwabosal pouse rasin sou tèt ou ou mache tonbe leve Sou depotwa pasipala Pou mounite pitit ou tout anba po w se depo depo chòk lavi depo chòk lanmò depo chòk lanmè san salè ou naje ou naje ou naje jouk ou soti rèv ou fonn nan lorizon fwon w fè sèl poutan saliv ou pa sale se pa lekòl ki montre w konte men w aprann konte sou fòs ou ou son peyi san O-N-G e je w tonbe sou leta chak lè l lonje kwi l nan D-G-I lè w ap goumen ak lavi ne kòd se bouke flè anba ti vant ou kòd fè kò sou kò w tankou yon tatouraj pòtre libète ou se yon fanm kanson fè se pa tout tranche ki met do w atè m renmen w manman m renmen w an kachkachliben menm lonbraj mwen pa konn sa .
Si mò jalou bay gwo pye
mo jalou bay madyòk
je m wè danje
m renmen w
m pa vle di w sa
m kase tèt li chak fwa l vle
boujonnen sou po m
pa gen movezè ki ka detounen jèm lanmou sa
m renmen w
m renmen w an kachkachliben
menm lonbraj mwen pa konn sa
ou bati demen m
ak dwèt ou
ak swè w
ak san w
ak lanmou
tout kwa kwabosal
pouse rasin sou tèt ou
ou mache tonbe leve
