Akademi Kreyòl Ayisyen (AKA) anonse li pèdi youn nan manm li yo, Claude C. Pierre. Akademisyen an ki te malad depi kèk tan t ap soufri avèk kouraj anvan maladi sa a pote li ale, samdi 24 jen 2017 la nan peyi Kanada.
Claude C. Pierre te reprezante ministè Kilti nan Akademi Kreyòl Ayisyen epi li se youn nan 33 premye Akademisyen nan Akademi an. Tout moun dakò li se youn nan gwo defansè lang kreyòl la e li te jwe yon wòl enpòtan nan brase lide ki t ap fèt nan mitan Akademisyen yo sou rezolisyon ki konsène alfabè kreyòl la Akademi an sot pibliye