Papa Desalin mèsi anpil
Pou batay ou batay
Nan Ravinn Koulèv ak Vètyè
Pou mete chita lan de pla men nou
Bèl Nègès sa, Ayiti
Gason tout kalte koulè anvi bay de kou
Aprè pou yo met zèl
Kou yon papiyon k ap voltije de flè en flè.
Papa Desalin Mèsi anpil
Pou batay ou batay
Lan Plenn di Nò ak Machan
Pou fè bèl fanm sa,
Ki sanble ak yon jenn flè choublak
Tan kou de gout dlo,
Ke la wouze ap karese
Anfas yon solèy k ap koupe l kout je,
Vin sèl fanm sou la tè
Ki pote lan zantray li
Pandan yon ponyen syèk malouk
Tout bèl valè inivèsè
Si vous avez déjà créé un compte, connectez-vous pour lire la suite de cet article. Pas encore de compte ? Inscrivez-vous
