Iléus Papillon : « Yon Tilanp » k ap klere fènwa yon peyi

Nan YON TILANP, powèt Iléus Papillon limen yon flanm pwezi nan mitan fènwa k ap vale Ayiti. Soti Pòsmachan rive Wanament, soti Kalfou Deriso rive Channmas, tilanp lan tounen yon je ki veye, yon vwa ki denonse, yon limyè k ap fouye nan blesi yon peyi kote mizè, vyolans, enjistis ak echèk politik anvayi lavi chak jou. Avèk yon lang kreyòl chaje ak imaj frapan, metafò odasye ak pawòl ki frape konsyans, Papillon trase pòtre yon nasyon k ap bite nan pwòp kontradiksyon li, men ki poko pèdi batay pou memwa ak diyite. Powèm sa a, ki soti nan