Lochard Noël ale nan peyi san chapo mkredi 17 out 2022 nan Florid, kote li t ap viv plis pase trant lane. Se yon kansè nan lestomak ki ale ak misye. maladi a te mennen li lopital pandan yon bout tan, epi finalman li mouri lakay li. Fason powèt sa a pati a koresponn ak panse filozòf Hegel ki di lanmò se bagay ki pi terib. Kidonk, lavi a vin fè bak devan laterè lanmò pote anba zye nou. Lanmò Lochard Noël montre nou, chak moun genyen tou pa li nan lavi a. Li pran chimen an anvan nou, apre pasaj li sou tè a kote li te yon ekriven epi yon nonm ki te renmen lavi.
Lochard Noël fèt Pòtoprens nan dat 28 out 1955. Depi li te piti, li te gen, san li pa konnen poukisa, yon pasyon pou lekriti. Lè sa a òdinatè ak entènèt pa te ko egziste. Kidonk, li te enskri tèt li nan kèk bibliyotèk nan peyi a pou li fè rechèch osnon pou li fè tape tèks li yo, paske li te kòmanse ekri pwezi. Li kab nonmen : Bibliyotèk Enstiti Franse Ayiti, Bibliyotèk Saint-Louis de Gonzague, Bibliyotèk Nasyonal Dayiti. Li te, jan yo di a, yon rat bibliyotèk. Se petèt yon defo. Paske pasyon sa
