Nan yon anbyans zanmitay byen chofe ak pwezi, mizik, temwanyaj, jou vandredi 24 septanm 2021 an, blòk 6 zè nan aswè, Biwo santral sosyete Koukouy rann Frantz « Kiki » Wainwight yon omaj toulimen pou ansanm travay literè ak atistik li ki reprezante yon bèl kout pouch nan efò k ap fèt an Ayiti ak nan dyaspora a pou kilti ayisyen an kontinye simen payèt. Kiki pote plizyè kaskèt : chantè, ekriven, koregraf, komedyen, dansè pwofesyonèl, dramatij. Aktivite ochan sila a, ki dire plis pase 2 èdtan, dewoule an fòma vityèl (Zoom) e plizyè