Tout ri se rèl

Katòz dawou 8 è nan maten solèy la poko fin souke kò l sekous sou sekous tè a tranble tout beton vire tonbe mòtye moun fè kay tounen tonm    chak fwa latè tranble se tranche mò pran plas vivan sinistre tout ri se rèl pèp ap jwe marèl nan de kan se pa fay ki fè n fè fayit men flay pye Leta n ap fè siy delakwa je fèmen devan ONG k ap met flè sou flèv epi n ap pale de omaj soulèvman mwa dawout pa fèt ak wa maj si vè te ka bloke van nan vi n m t ap ekri san p(w)oz .