San an koule sanzatann
se pa san sanmanman
se san inosan
san koule nan pousyè blòk ak siman
pou brase mòtye yon kay
San fondasyon
a la doulè pou manman pitit
k ap tande bri blese rèl lanmò pitit li (p.11)
San koule san rete. San koule nan koridò, nan tout rigòl. San koule tankou lè bwadchenn ap desann nan Pòtoprens. San koule desann tonbe nan lanmè bisantnè. Li koule tout kote, anndan kou deyò. Anwo kou anba. Nan lari ak