9) Apre sa, m ka bliye m te di (Premye pati) :
Si n vle wè kote peyi lòk, dekrete nan ane a yon jou pou tout moun pale fransè Ayiti. Anvan menm solèy midi klere, se rete n t ap rete gade yon seri kout rèl pati, Ayisiyen nan 4 kwen peyi a ki t ap rele : « N ap toufe ». Bagay la senp, nou pa pale fransè vre. Lang ou pale se lang ou bay souf, ki ba ou souf. Sèl lang ki jwe wòl sa a nan peyi a, se kreyòl. Si n pa ka di fransè se yon lang kadav nèt li ye pou nou, nou pa ka di l ap viv nan mitan nou non plis. Mwen te ka di fransè