Dlo nan je m pa fin kont
Pou m konte grenn lapli
k ap mouye tranp rèv nou
Konbyen rèl k pou pati
Pou rele chalbari
Nan rèv nou k pèdi wout
Nou danse yanvalou
Kata pye nan rada
Bese do n nan ibo
Konbyen chan k pou pati
Pou n limen yon Petwo
nan souf
Yo antere doubout
Konbyen kòd konbyen mo
Pou bare van mètdam k ap chare
detrès nou
Dlo nan je m pa fin kont
Pou m konte grenn lapli
Ki kantite po dyòl ak yon danmbala mo