Lobo pat di pwezi, li te ekri pwezi ak vwa l, ak kè l. Chak fwa Lobo tap di yon powèm, se te yon lòt powèm, yon verite tou nèf pèsonn avan l pat janm manyen.
Tankou yon timoun fwonte ki pa pè anyen ni pèsonn pran yon boul pou l reenvante l, pase l anba pye l, depoze l sou tèt li, fè chenè ak li, woule l sou do l, sou vant li, karese l, lolo l, vire l, tounen l, fè l fè lago ak lamadèl, si tèlman wa di boul sa a se pou timoun sa a menm yo te fè l.
Lobo te ranmase nan vwa l, nan kè l, tout enkyetid ak anvi viv ki gen nan yon pwezi. Kit se