Mizè, Pwodiksyon agrikòl ak Pwojè gwo pisans nan peyi d’Ayiti

1-Depi peyi D’Ayiti pran endepandans li nan lane 1804, genyen de gwo tandans ki devlope nan koze Ekonomi peyi a. Yon bò, mas ansyen esklav yo ki pat vle kontinye bourike sou gwo plantasyon tankou nan tan lakoloni, te vle travay sou tè pa yo. Apre anpil batay, « elit »yo sètoblije reziye yo kite peyizan kiltive jaden yo sitou nan mòn, men nan kèk kote nan plenn nan tou. Peyizan yo goumen anpil pou sa. Depi gwo batay Goman, sòti 1807 pou rive 1819; an pasan pa Akao sòti 1844 pou rive 1848, Pikè nan Sid ak Lwès, sòti 1865 rive 1870, nan disnevyè