Jezi FM

M leve optimaten pou m al pran kamyonèt. Gen plis demandè pase plas, e si ou pa pouse ou pa p monte. Kidonk, kou moun yo di, pye kout pran devan e « advienne que pourra ». Tan nou fòme yon gwoup , n ap tann, yon mesye vin kanpe devan n ak yon pòtvwa kenbe nan men l. L ap rele : « Aksepte Jezi kòm sovè pèsonel » ak yon bann lòt koze ki pi sanble menas pase lapriyè. M monte kamyonèt la apre batay, m pa sa konte konben moun ki mache sou pye m ni sou pye konben moun mwen mache. Kòm wout la long, m prepare m pou fè on kabicha, chofè a limen radyo a