Alsibyad fèmen je l , li pa te men-m malad
Poul al fè zanj yo ri nan yon lòt radyo Karayib
Ki genyen nan syèl la lòt bò dlo etènite
Deyè mòn lavi nan peyi ki pa gen kidnapin
Ak Leta mimi myaw!
Li sispann fè teat pou yon pèp kabiye ak pepè
Kap souflete avek chaplet tout rèv pwodisyon nasyonal
Ki anfouraye diyite l nan bal pèpè ki sot nan peyi blan
Li lase bòt li poul al fimen chicha lavi miyò
Nan fotèy paradi kote ki pa gen son bal nèf milimèt kaminize m pa travay
Kap fè timoun pa etidye leson lavi anba poto limyè.
