« Nan pwen lang pase lang/ lang pou lang/ ban m tete lang manman m ». Powèt-dizè Isaac Volcy, pri Feliks Moriso Lewa 2020 an, pa rate okazyon pou l resite vè sa yo nan fè pwomosyon pou lang ak kilti kreyòl. Yo file defile tankou vèsè ou priyè moun kenbe pakè pou defann yo lè bwa a mare. Si jounen jodi a gen kriz sou kriz an Ayiti jouk gen moun ki rive rayi pwòp kilti yo, sa pa vle di lespwa fini pou sa. Lavi pa sispann boujonnen nan zèv atis ak atizan yo. E sware pwezik lang pou lang lan sot pwouve sa nan jou ki te 20