Sou premye paj kouvèti liv la, plizyè manm AKA parèt an gran jan nan yon foto. Se yon liv ki gen twa chapit avèk yon galri foto an nwa e blan ki rezime ansanm aktivite AKA fè. «Sou chimen Akademi Kreyòl Ayisyen» se yon liv kote otè a esplike tout batay ki te tanmen pou fè lang kreyòl la vin yon lang toutbon. Malgre divèjans ki te genyen nan mitan manm yo sou zafè mete sou pye yon akademi kreyòl, yo te vin mete yo dakò nan lane 2011 apre yon kòlòk yo te òganize pou yo ka diskite sou mezantant yo. « Kòlòk entènasyonal so