Se avèk anpil lapenn, Akademi Kreyòl Ayisyen (AKA) resevwa nouvèl lanmò Wilhems ÉDOUARD ki tonbe nan move sikonstans tout moun konnen, jou vandredi 8 jiyè 2016 la.
Pou moun ki pa t konnen, Akademi Kreyòl la pwofite presize : Wilhems ÉDOUARD te manm premye komite ki te gen objektif mete Akademi Kreyòl Ayisyen an kanpe. Li te reprezante Près Nasyonal kote li te Direktè Jeneral nan epòk sa a. Se komite sa a ki te siyen deklarasyon ofisyèl pou mande kreyasyon Akademi Kreyòl Ayisyen an, nan okazyon 28èm Jounen entènasyonal Lang ak Kilti kreyòl n